Hacking Team: adasil n yisefka g ugratsa

G wass n 6 Yunyu γur 2h26min n tifawt iffeγ-d yiwen usεič (tweet) issaγen times g umaḍal n tγallit (spying) tumḍint (digital) d tγellist tasenselkamt. Temneqqer tgnut nnig iγef n yiwunak isγan isegwẓanen γur teṛmist ittuyakren.

Tala: http://korben.info/
Tala: http://korben.info/

Hacking Team, igan yiwet teṛmist tamazzagt (expert) g yiger n tsekra n yiseγweẓanen n tγallit, ttuyaker-as 400 Go n isefka usligen (iseγwẓanen, umuγ n yimsaγen, tifadiwin (contrats), tifakturin d kigan n titgarin (documents)).

Aẓur n titgarin d yifayluten
Aẓur n titgarin d yifayluten

Hacking Team tga yiwet teṛmist ittuyassenen s “Acengu n Internit” g uneqqis n “ineqqasen id war tikwta” (Reporters sans frontières). Da tzzenza isγwẓanen i yiwunak af ad ḍufen i yigduden g ugratsa (Internet). Kigan n tmura sγant isγwẓanen n Hacking Team g nγiy ad nbder: Kazaxstan, Tasaɛudiyt Taɛrabt, Ityupya, Ɛuman, Lubnan, Tamazirt n Ferεun, Azeribidjan, Malizya, Ṭayland, Ustṛalya, Meṛṛuk, Ssudan, Ccili, Marikan, Turkiyi, Tunes … Iseγwẓanen n Hacking Team tettuyassnen s tnewwact g yizeṭṭaten imettiten, Skaye, tirawt d tenkulin. A-ya ddaw yinagrawen n wammud s umata (iOS, Windows, Linux, Android, …).

G ukwemmis d-iffeγen, kigan n yimassen s ttwurun yiwunak: allalen n tḍuft (DaVinci d Galileo) ismutturen (agensu n tankulin, timeḥḍa n tγuriwin, umuγ n tansiwin, …), tisḍas n unasiw (keyboard keys), ixmacen n ugdel (screenshot), amezruy n tirza g ugratsa (internet search history), GPS n tiliγri, akalas n tγuriwin g tiliγri, asermed n umikru d tsawlaft, …

Titi-ya tla yiwet tanfa tameqrant acku tssafeγ-d udem idettan n Hacking Team nna iskirkisen s wuden-nnes awraγ. Tzeddig titi, acku tettuyakkes telbeṭ, yukez umaḍal mayd sskaren yikunak ddaw iceḍran.

Ḍart u-ya, da nssutur g yimaggaten n usmel-nneγ ad awin itnan g uyenna swaren g uselkim-nnsen. Awd ad sskren amucceḍ (update) n Adobe Flash Player, akw d yiseγwẓanen yaḍen. Aweyat itnan!

Taliwin:

transparencytoolkit.org
thecthulhu.com
korben.info