Facebook diγ dat wurduten !

Nokia-tuneUssan-a inker, diγ, waqqur γef Facebook netta d isefka usligen n imzemmizzelen-nnes. Mqqar iffeγ umzemmizzel, azeṭṭa – amm tbaxxa – isul iṭfar-t lumar g izdayen ibḍa g Facebook.

Ig ikjem ufgan s Facebook, amssifeḍ da d-ittazen igensasen n ukejjum mi ttinin “Cookies” itrusen g uselkim. Azeṭṭa ametti da ten-iswuru i tγawsiwin yaḍen yeṭṭfen s asissen. Aya ur yad yamu g twtilin n usemres n Facebook g inna ad ifreg i isefka n imzemmizzelen-nnes.

Ass-a azeṭṭa isseskerks awal n ukennad Nik Cubrilovic iṭfaren igensasen n Facebook g uselkim-nnes. G usmel-nnes Nik – akennad Ustraliy – irda Facebook s uṭffur n imzemmizzelen-nnes ddaw igensasen.

G usirem n wad iqqen Facebook ibexsi-ya, nγiy a nssuter i ynerzafen-nneγ ad awin itnan g uswuru n izeṭṭaten imettiten. Awd nenurz ad ssengaren amazray-nnsen g iminig-γef-web (Internet Explorer, Firefox, Chrome, Opera, Safari, …).

Taliwin:
→ Ablug n Nik Cubrilovic: Nik Cubrilovic
→ Asmel n BBC News: BBC News

Amawal:
– Isefka: datas
– Amzemmizzel: user
– Tabaxxa: wide
– Amssifeḍ: server
– Agensas: agent (cookie)
– Asissen: ads
– Tawtilt: condition
– Asemres: use
– Akennad: hacker
– Rdu: accuse
– Ibexsi: vulnerability
– Anerzaf: visitor
– Senger: delete