Yuwen ukennad yuker 36 000€ i iymyijeyen-nnes

facebookTaγul tukkerḍa g ugratsa da ttaley kigan s yiwes n izeṭṭaten imettiten. Aya illewa-d g tmazirt n Newcastle g Nnegliz (UK) g ilkem yuwen ukennad ad yasey tizi n 36 000€ g idrimen n imyijiyen-nnes izdeγen tama-nnes.

Imk as-iga? S yiwes n Facebook.

Da ittγima γur 18h i wass g Facebook ar ismuttur isefka usligen n imyijiyen-nnes yamun g imddukkal-nnes g uzeṭṭa, ayd iqqis The Telegraph. Ayenna issen γifsen kigan, yuγul ar ikjjem s umiḍan-nnsen g lbanka ig amm idd ka digsen ayd ittun awal-nnes n uzerruy. Ur as-d-ittγima γas ad irar i iyseqsiten n usmel n lbanka ẓund assaγ, amulli, …. Taggara ik-as i lbanka tansa tamaynut s as-d-iteddu wawal n uzerruy amaynu. Ha-tin ikjem, izzrey idrimen s amiḍan yaḍen.

Akennad-a, ittuyaz acku isul inurz ad yasey, akin awd imyijiyen-nnes d idrimen asen-iddan.

Ayenna iykjem unesdabu s tgemmi-nnes ufan-nn kigan n imiḍanen n lbanka, isaskalen n ifganen yaḍen d kigan n wafriwen!

Akennad ikjem akurmu yamẓ 15 n wayyur.

Tala: The Telegraph.

Amawal:
– Tukkerḍa: theft
– Akennad: hacker
– Isefka: datas
– Uslig: private
– Illewa: happen
– Azeṭṭa: network
– Ametti: social
– tizi: value
– Amyijey: neighbor
– Iwes: assistance
– Amiḍan: account
– Aawal n uzerruy: password
– Assaγ: name
– Amulli: birthday
– Anesdabu: authority
– Asaskal: passport
– Afriw: paper
– Akurmu: prison