Awekka “amesggurḍem n imgelwekkaten”

t-linkG tezrawt nna tssker BitDefender γef izdayen irekkiẓen d-iteffeγen g tirawt n Windows Live Messenger. Amata g izdayen-a da ttawin s yuwen usmel g illa yuwen iyyis n Trwa.Af ad ur id-s-akin imgelwekkaten, da d-iteddu g kigan n tgezmiwin n isefka Unicode 16 bits. Afaylu-ya mi iga umasal ANSI diges kigan n tkuta n yirey ibeḍan s yuwen uferray. Mk nkkes iferrayen d isefka da d-itffeγ yuwen ufaylu untim s UPX.

Agensu n uya, illa diges iyyis n Troy irẓẓemen iwaḍu-nnes. Tawuri-nnes tamezwarut, iga-tt ad isgurḍem ayenna iṭṭefen s tγellist g llan imgelwekkaten. Ayedda irreẓa taγellist, da isekjam kigan n id-URL, ittawin s ismelen n imgelwekkaten, inafraḍen, …, g ufaylu HOSTS ik-ten i yitsen id-IP ur yad ittegguren.

Ḍart uya, awekka da isskar isenifelen g HOSTS ad yaf ad ittasey isefka usligen (iwaliwen n uzerruy, uṭṭunen n imiḍanen, …) n uselkim amuḍin. Awd ar diges isekjam yuwen wahil isseknaden amḍan n yikelen “pay-per-click” ar d-issufuγ kigan n telkuwwa n usissen g ittasey ukennad inger 0,05 d 1$ i yikel.

Mas ixxa uwekka-ya, da d-ittarew yuwen ukala (svchost.exe) ikkes-t ayedda iss-ifukka. Awd mk tra tγetast ad tger tiṭṭ s ikalan ur t-ttafa.

Tala: Ussifen seg Malware City

Amawal:
– Awekka: worm
– Amesggurḍem: killer
– Amgelwekka: antivirus
– Tazrawt: study
– Azday irekkiẓen: spam
– Tirawt: Instant Messaging (IM)
– Iyyis n Trwa: Trojan horse (horse of Troy)
– Tigezmi: section
– Asefku: data
– Amasal: format
– Takatut: memory (takatut n yirey: buffer)
– Ibeḍa: separated (or shared)
– Aferray: separator
– Untim: compressed
– Reẓ: break
– Anafraḍ: scanner
– Ggur: (v) work
– Asnifel: modification
– Amuḍin: patient
– Amḍan n yikelen: number of clicks (hits)
– Tilkuwwa: windows
– Asissen: advertising
– Akala: process
– Taγtast: victim
– Ussif: excerpt