Yuwen usnas g uzeṭṭa!

Ussan-a da itettey yuwen iniẓri (ur t-igin) g Facebook mi iga uxmac n ugdil yuwen udmer axatar d-ileddin aseksew lumar irigzen. Azwel-nnes iga-t “VIDEO EXEPTIONNELLE”.

fb-apps

Iniẓri-ya ur yaγ g iniẓriten n Facebook. Ig γifes nukel da yaγ-ittawey s tesga n isnasen nna yaγ-d-issuturen anrẓem(*) iwsnas “videonitoo”.

fb-apps

Aydda yas-nrẓem, yuwen usebter yaḍen g illa ẓund iniẓri da ittanf. Maka ig nukel γef iniẓri, da yaγ-yakka iwayḍ usebter g illa ubra “J’aime”.

fb-apps

Hat nukel γef “J’aime”, nenna hagg aninney iniẓri!.

fb-apps

Yuwen usebter yaḍen da d-iteffeγ ilin diges sin izedyen:

fb-apps

Unna γef nukel yawey-aγ s yuwen usmel, ittanfen g yuwet talkiwet yaḍen, nna d-issuturen is nzrey 18 n usggwas. aydda yas-nenna “ih”, yawey-aγ s yuwen usmel n iniẓriten ẓund Dailymotion, youtube, …

fb-apps

Winna ur ikin taγḍeft iwanect-a n yikelen, ur inni ad yisin mayd illan ḍarasen. Mkdd γas iniẓri, max ad ur d-ittuger izdey ẓars ittawin g udγar? Asnas-a ittuga ad ismuttur isefka usligen n imzemmizzelen n Facebook.

Arem-at, s iγfawen-nnun tinniyem. Awey-at itnan dat n wad taklem γif ka. Winna digun yuremen, ad ur tettun ad sengeren asnas-a.

fb-apps

Imkinna ttinin ineflayen g tsenselkemt ig qqenen: “Azgal axatar illa inger udabu d ugdil”. 😉 (asmenγer n tiṭṭ) i Ḥsi.

(*): da yas-takkam iwsnas abrid ad ikjem n isefka-nnun usligen: assaγ, tiwlafin, aγrab, azeṭṭa, …

Amawal:
– Asnas: application
– Iniẓri : video
– Admer: chest
– Ttey: circulate
– Axmac: screenshot
– Agdil: screen
– Azwel : title
– Ikel: click
– Rẓem : allow /open
– Asebter : page
– Asefku : data
– Uslig : private
– Abra : button
– Taγḍeft: attention
– Amzemmizzel: user
– Adabu: chair (in this context) / it can also mean power
– Senger: delete
– Aneflay: developper