Abrid s tkessa n tudert tusligt n ugratsaw

Dffir kigan n iγuyyan n tuddsiwin ittenaγen γef tkessa n tudert tusligt n igratsawen. D dffir tiwuriwin n tuddsa n “The Mozilla Foundation”, iffeγ-d usenfar amaynu n Mozilla innan ad yawes g tkessa n tudert tusligt ass n 11/01/2961. Asenfar-a tusey-as-d “Do Not Track” (ad ur tgezzey-d).

Imkinna tnna Mozilla: “Da nrezzu allalen g nakka i iymzemmizzelen n Firefox kigan n tussena d umater n isefka usligen nna ttaǧan ḍar-asen. Issusem-aγ, dγi, anebḍu igmuḍen n yuwen g wussisen-a […] “Do not Track” yakkan allal iwgratsaw ad ur ig asḍas n ussissen”.

Uḍus n tikli iga yuwet tetiknikt yakkan i tṛmisin n ussissen ad beqqeḍen igensuten innan ad ildey taγḍeft n ugratsaw nil tikli-nnes.

Titiknitin illan dγi ur da ttaǧant azig iwgratsaw ad ifren, aǧent tiṛmisin ar sskarent ayenna rant. Xs ad ikjem umzemmizzel s kan usmel, han isiriten n ussissen ssafeγ-en-as-d ka iṭṭfen s tikli-nnes (aynna irezzu g ugratsa, adγar g izdeγ, ismelen itekka, …).

Iwrinni tasekla, tγiyem ad tisinem mas ittmahal “Do Not Track” g udem-a d-iddan:

fbdeveloppers

Ass-a, issafeγ-d Google awd ntta, yuwen usiγzef i iyminig-nnes “Google Chrome” mi d-yusey “Keep My Opt-Outs”. Maka, mnid Firefox, Google Chrome da yakka iwmzemmizzel ad ikles ad ur ṭffurent tṛmisin agzay-nnes.

Mḥḥra xla ayd ran ineflayen ad smmectgen inasiwen-nnsen ad fergen i tudert tusligt n igratsawen.

Amawal:
– Tuddsa: organization
– Tudert: life
– Tusligt: private (Tudert Tusligt: privacy)
– Agratsaw: internet user
– Asenfar: project
– Allal: way / device
– Amater: control
– Asefku: data
– Agmuḍ: result
– Ussis: effort
– Asḍas: target
– Assissen: advertising
– Taṛmist: company
– Beqqeḍ: display, view
– Agensu: content
– Amzemmizzel: user
– Tikli: behavior
– Fren: choose
– Asiri: streamer
– Mahel: work
– Agratsa: internet
– Asiγzef: extension
– Agzay: track
– Aneflay: developper