Izdayen d rku

PSW-2010G-at ireflasen g izdayen γef ttaklem is ur rkin?
Issker BitDefender yuwet tzrawt γef Facebook d Twitter, nna iskenen n wiss 97% n imzemmizzelen da ttaklen γef uzday ittuzgenen, ayenna mi ira ig-t, g uẓeṭṭa ametti ur qezzizen is irka midd wahi (uhu). Tazrawt-a tamaynut tneyyec ad tesbadu idd ammud n unemri n imkelsen n iẓeṭṭaten imettiten, iga taγara tamellilt iykennaden ad afen ad snezwin iwekkγwẓanen-nnsen. tirzi-ya tmla-yaγ-d tanezli n umeday g iẓettaten imettiten.
G yirem amzwaru, ttuskern sin imiḍanen, yuwen g Facebook wayḍ g Twitter, ttuzemmizelen ad sskren akabar n imeddukkal iran ad isinen amaynu g kigan n taγulin (ineγmisen, taγellist, tifiwin tussenanin, …). G 3 imalasen, imiḍanen-a kan i iymeγran innemran (1928 g tiyyira) izdayen izeddigen, maka ku azdey sṭferen-as tawinest-a: “Mk ur iwura uzdey-a, tanemmirt ad ur tettum ur aγ-d-t-tmelim ad afeγ ad zemmizeleγ azday yaḍen”.
G uzemz n tektert tiss snatt, ur ikkin γas yuwen umalas, 3 izdayen ittawin s isebteren ittumdin maka ur ẓarsen illi ukejjum (s tγellist). Izdayen ddeγ, awd nitni, sṭferen-as tawinest-a: “Mk ur iwura uzdey-a, tanemmirt ad ur tettum ur aγ-d-t-tmelim “. Imki ad yaf umeggi n tezrawt ad yisin mecta ayd yukelen γef izdayen. Awd mk d-yuzen umzemmizzel is ur iwura uzday, da yas-ittuyazan izdey izeddigen.
Aya mqqar ttuskeren iγuyyan γef izdayen ittumdin, 97% g imyuma nẓan is uklen γef izdayen ittumdin.
“Mqqar gan izdayen imanzalen g usemres d tnezwit, cqqan g tesga n tγellist n isefka. Amzemmizzel ur issin mayd iffern ḍart uzday γef yukel, acku azday igzzul. Ayddeγ n twsit n izdayen, tγiy ad ttuzemmizel marad ad tssiwey inerzafen (visitor) ur igin ireflasen s ismelen n uxendelles d usekned g illa mayd ixxan.” Ayd tlaγa Sabina Datcu, tamalsaḍt g trabbut n BitDefender, tg tamazzagt g teγwalt, isskren ayddeγ tzrawt.

Tala: http://www.malwarecity.com

amawal:

– Areflas: suspicious
– Tazrawt: study
– Amzemmizzel: user
– Zgen: share
– Qezzez: examinate
– Sbadu: define
– Aẓeṭṭa ametti: social network
– Taγara: way
– Tamellilt: effective
– Tanezli: facility
– Amiḍan: account
– Taγult: field
– Taγellist: security
– Tifi tussenant: scientific discovery
– Amalas: week
– tiktert: phase
– Amyamu: participant
– Neẓ: recognize
– Tawsit: type
– Anerzaf: visitor
– Taγwalt: communication
– Tamalsaḍt: analyst
– Tamazzagt: specialist