Immucceḍen ur ten-igin g Firefox

firefoxAwey-at itnan, yuwen ummucceḍ ur iḥlin n Firefox da itettey g Internet ar d-itekka Google Images. Aya izward g kigan n tewlafin ittumdin nna ileqqef umesadday n tirzi Google. Tawuri n umeday-a ttuga g yizen n mdden s ittsen ismelen g llan immucceḍen n firefox ur iḥlin.
Aydda yukel umdan γef tewlaft ittumdin g Google Images, yuwen usmel g tella tewlaft da ittanef maka ur diges illi xs ammucceḍ n Firefox. Ismelen-a da teggan ẓund: filesfirefox*co*cc , xxlfirefox*co*cc , atg … [nsers (*) adγar n (.) ad ur γifsen taklem]. Azemz g ittukerred usmel, yuwen usγweẓan mi iga wassaγ “firefox-update” da aγ-d-ittusumer ad t-nssekter. Ig γifs nukel, da aγ-d-itetter aswar n uwekkγwẓan nna d-nssekter.
Aha ggar-at allen s tansa n usmel nna tunfem idd amm taddaγ nna tram. Ammucceḍ n Firefox da awen-d-itekka izdar n talkiwt ur idd talkiwt n ussekter.

Amawal:

– Ammucceḍ: update
– Ttey: circulate
– Tawlaft: picture
– Tiwlafin ittumdin: entrapped images
– Lqqef: intercept, capture
– Amsadday n Tirzi: search engine
– Kerred: load, upload
– Sumer: propose, suggest
– Ssekter: download