Iwekkiwen d yizenen

facebookIffeγ-d g 28/08/2960 yan uwekka ittazzlan g izenen. Ur tgi tetiknikt-nnes tamaynutt maka irra imezwura-nnes s yat tγawsa igan asara n talugt n tansiwin. Ku tansa ikka, yasey digs akaram n bab-nnes.
Ameggay n yizenen da digs ttili yat tmennit ẓund “Here you have” nγ “A lire impérativement” neγ ka n tmennit yaḍn d-ileddin taγṭeft n unna iqqaren.
Agensu n yizen digs yuwen uzdey ittawin s yan ufaylu, g umata iga PDF, maka iγiy ad ig ka yaḍn. Timennitin ittuyarun g ugensu n yizen, da tteḥuzent ameγri ad yakel γef uzdey bla ad iswingem.
Asmel s ittawey uzdey digs yuwet tangalt issektaren yuwen umeẓẓul ixxan. Aydda ittuswer da:
– ittekkes taγellist n Windows isexsey Windows Update
– itexellaf iγewwaren n tγellist n Windows
– ittekkes agadir-messi neγ as-ixellef iγewwaren-nnes
– ittamma i ymgelwekkaten ad ur ttuselkmen
Tatiknikt n umday g ifayluten nessefra-awentt-inn g yan umegraḍ izrin. Nemla-yawen imk teggam ad ttammam ititiwat d itteddun g ifayluten.

Amawal:
– Awekka: worm
– Talugt: book
– Akaram: directory
– Ameggay: subject
– Tamennit: sentence
– Taγṭeft: attention
– Ḥuz : push
– Ameγri: reader
– Tangalt: code
– Ameẓẓul: virus
– Aγewwar: parameter
– Agadir-messi: firewall