Axendelles neγ-dd iker n tilγa tibaḍniyin

Axendelles, neγ “Phishing” s Tnegliziyt iga-t yat takiknit nna sskern ittsen ixendallasen afad asin, smuttern d smersen tilγa tibaḍniyin n mdden mi mdin. Mara ad iss-afen, da ttasin tamust n ka yaḍn, iffeγen ixemmimen, ẓun-d lbanka.
Tikendawin-a rant-nn imesadern n lbankat ittekkan ismeln-nnsent, maka idrus mag nettakz n wis γiyn ad uten ismeln n tsebbabt neγ win wudusen (ẓun-d paypal).
Amenzay n uswuru:
G umata, taγtast da ttameẓ yan yizen igan ẓun-d win lbanka-nnes neγ udus-nnes. Izen-a (igan amm win lbanka) d-as-ittini n wis γurs yan ungu g umiḍan-nnes. tilmit tin lbanka, izen ar-as-issutur ad yakel xf izdayen digs illan. Mara ad-ifru tamukrist-nnes. Azday iga win lbanka g tirra s umasal n HTML.
Amdya n yizen ittuxendallsen:
Azday illan g yizen da ittawey s yan usmel yaḍnin yaghn g win lbanka neγ udus-nnes. Arwas n usmel ittusers-nn g yan usmel g umessifḍ g kan tmazirt yaḍn. Asmel-a, digs idγaren g tsekjam (taγtest) tilγa tibaḍniyin nnes (tamust, uṭṭun n umiḍan, awal n uzzeruy, …). Ti, da-ttuyazanent iwxendallas ad yaf ad-issent-iwuru marad ad-issewru amiḍan n teγtest-nnes.
Izenen-ddeγ n tkendawt s umata da ttuyazanen s wannaz i-wahli n igima n tansiwin.
Mas as-nfrreg?
– Lbankat urda ttazenent izenen ẓun-d wi g tsekjamd tilγa. Akejjum s usmel n lbanka da-ittiri ad ittuyuru uzdey s ufus g iminig-xf-web.
– Kat taγteft iysmelen ittuγelsen ag tennam ad tsekjamem tiγla-nnun. Ismelen-ddeγ da zggwuren s HTTPS ur-idd HTTP.
– Ad urta ttaklem xf izdayen awen-nn-iddan g yizenen ur tssinem.
– Aweyat itnan ig awen-nn-idda kan yizen itettern tigiwin irfan.
– Iminigen-xf-web illan digsen inifif ittraran ixendallasen. Inififen-a t-tuga t-tiknikt-nnsen xf imenzayen ẓun-d: umuγen ibexxucen, awal-saru, …
– Smersat yan useγẓan g illa inifif mgel-izenen-ittuxendallsen hat da senyumun g uṭṭun n titiwat
– Ad ur traram iyizenen ẓun-d wi neγ ten-tuzenem i-ka yaḍn.
– Ig temyagar γifun siwlat i-lbanka-nnun
G tiyyira awyat aha itnan imkiddaγ inna Thomas Jefferson : “Atig n tlelli iga-t uṭṭukkey aha izdin”

amawal:

– Axendelles: phishing
– Smeres: use
– Asmel: website
– tilγa: informations
– tibaḍniyin: confidentials, private
– Tamust: identity
– Takendawt: cheating
– Amessader: consumer
– Tasebbabt: trade
– Udus: organism
– amenzay n uswuru: operating principle
– Taγtast: victim
– Izen: email, sends, message
– Angu: problem
– Amiḍan: account
– Tilmit: Icon
– Azday: link
– Amasal: format
– Amdya: example
– Arwas: imitation
– Amssifḍ: server
– Uṭṭun: number
– Awal n uzzeruy: password
– Assewru: emptying
– Annaz: chance
– Agim: thousand
– Tansa: address
– Afrag: protection
– Iminig-xf-web: web browser
– Asmel ittuγelsen: secure website
– Tigi irfan: urgent action
– Inifif: filter
– Amenzay: principle
– Umuγ ungal: blacklist
– Awal-saru: keyword
– Aseγwẓan: software (follows a certain logic. This term comes from: iγwẓan)
– Mgel: anti