Asnay n tidmi n Ufersig [1]
Asnay-a ittuga γef isebteren ismutturen isefka usligen n imzemmizzelen n izeṭṭaten imettiten. Γas ittuga γef yuwen usebter iran "ad ismutter ifeḍ n imaziγen g Facebook", maka ig nukel γef useγwen (azdey) da yaγ-ittawey s yuwen usebter yaḍen iwer-inn Facebook!!! Awy-at itnan g isnasen issufuγen azeṭṭa.
Asnay n tidmi n Ufersig [2]
Asnay n tiḍaf γef usmel n "http://www.tamazirte.net". Asmel-a ttekkan kigan n imaziγen iswer diges bab-nnes ka n usentel g tella yuwet tangalt irekkiẓen. Kigan g isentil-a, gan fabur maka yalfus ad yisin unedbal n usmel mayd iswer!
Tidmi: 5 n tmitar ikddelen takendawt g Facebook
Asekend g izeṭṭaten imettiten ur ǧin issin tassast. Tafarset n tkendawt tamettit tgula-nn taqiccat-nnes tigiriwin-a. Asmel n Afersig.com isawel aṭas γef tkendawt d titiwat d-itekkan azeṭṭa ametti. Unna iṭfaṛen tififγin-nneγ ad yili issen ad ikk tasga i tkendawt agensu n izeṭṭaten.
Asnay n tidmi n Ufersig [3]
David Jacoby amazzag g teṛmist n imgelwekkaten Kaspersky yuwen ibexsi g uzeṭṭa ametti Facebook. Yuwet titi ur yaγen g tmezwura lliγ awen-d-nsnala g imegraḍen izrin.
10 n ismigelen i wfrag n tugna g Facebook
Adlis amellal wiss sin n Bitdefender γef uzeṭṭa ametti n Facebook. tikkelt-a, ibenneh Bitdefender γef uzizdeg n ifres n umzemmizzel agensu n uzeṭṭa. Imk ittamma i titi n ikennaden? Mas ittisin izenen irekkiẓen? Mas ittinniy izedayen ittumdin? ... Kigan n iseqsiten ad asen-tafem iriri g udlis-a
Facebook: aswudem “Timeline”
Kigan g imzemmizzelen n Facebook urmen aswudem amaynu "Timeline", maka zzrin ugar n imalas asen-ika Facebook i yirem-nnes. Amata ur ten-issusem ar rzzun ad t-kksen. Agensu n uzeṭṭa ur degs illi mayd isskar ka ad t-ikkes. Mayd sskaren?
Bitdefender: adlis amellal γef Facebook
Adlis amellal n Bitdefender γef uzeṭṭa ametti n Facebook. Ismatter udlis-a amata g imegraḍen nna yawen-d-ifares Ufersig seg mayd yunef. Llant kigan n tγawesiwin igan tusligin nna iṭṭefen s yiger amaziγ mi nakka taγḍeft ugar n tiyeḍ yaḍen. Adlis-a yalfus ad t-issekter akw mayd igan amzemmizzel n Facebook.
Aseγzif ittumdin g Safari
yaru-t Afersig g Apr.20, 2013, ddaw Ineγmisen n tsenselkemt, Taγellist
Idrus ma g nswel, g afersig.com, γef unagraw n wammud MAC. A-ya ur id is nsselka anagraw-a, maka amata g taniyagin itteḍasen inagrawen ggudint g tesga n unagraw n Microsoft Windows. Acku iga yiwen unagraw amaḍlan ittuyassenen s ittwuru umata.
Ikennaden g tesga-nnsen, da rezzun ma g iggut ufgan, ma ggutent teγtasin ad afen ad ssekren tasebbabt-nnsen. Ay-a ayd yuǧan inagrawen yaḍen (nniḍen) g ufrag i titiwat.
Tikkelt-a, nra ad nger tiṭ s MAC OS. Ikennaden aγen-t-inn awd netta. G uneqqis n Doctor Web (taṛmit Tarusiyt), illa yiwen useγzif igan iyyis n Teṛwa mi qqaren s ‘Trojan.Yontoo.1′. Taniyagt da d-ttekka isemlan ittumdin g iniẓriten.
Ayedda tekka teγtest asmel, da yas-d-issutur ad iswer yiwen useγzif n imig-γef-web Safari illan agensu n unagraw: aseγzif Yontoo.
Inerzafen-nneγ ittemahalen s MAC OS, da yawen-nssutur ad tawim itnan g useγzif-ddeγ.
Taliwin:
→ The Hacker News
Amawal:
- Anagraw n wammud: Operating System
- Isselka : (v) to maginalize
- Taniyagt (titi): attack
- Akennad: hacker
- Taγtest: victim
- Tasebbabt: trading
- Aseγzif: plug-in
- Iyyis n Teṛwa: Trojan Horse
- Taṛmist: company
- Imig-γef-web: browser
- Anerzaf: guest
Azawad: imenγi umḍin
yaru-t Afersig g Feb.09, 2013, ddaw Ineγmisen n tsenselkemt, Taγellist
G imerdal n Uzawad inker idiggi, han timzelallitin, iggulluten, taẓuli tabaẓayt, …Tggez-nn Fransa s kigan n warrumen. G wakal mussan kigan agensu n tiniri. Seg yigenna, ayt tarḍuriwin ggzen-d amm iẓran n yimeglel. Ku takabart ar tkkat seg nilas. Ayt tmira ka ittunγa, ka ikkes tamart, ka irul.
Fransa teksuḍ i yimγizen-nnes n Nijir, teksuḍ γef beṭṭu n tiniri. Mali iksuḍ azwad. Ayt tmira ksuḍen tsebbabt-nnsen (giṛṛu, arbab, isduhduten, …). Imenγiten n yimagaren afella n wakal ur igin winsen: akal n Yimuhaγ.
Ddaw waddad-agi, nekren imenγa nniḍen (yaḍen) igan umḍinen. G ugratsa, aṭas n isemlan n Fransa aγen akal. Tarabbut n yikennaden iqqaren i yiγefawen-nnsen TCA (Tunisian Cyber Army), utan kigan n yimessifeḍen agensu n Fransa.
Utan:
→ Aγlif n usnefli lumen asmel [Aγlif n Usnefli n Fransa (Aquitaine)], ssafγen-d adasil n isefka: assaγ, tankult, awal n uzerruy, …
→ Aγlif n tunnunt: [Aγlif n Tunnunt n Fransa (Basse-Normandie)], ssaγen isefka-nnes, g amun win tnedbalt, i tewririn.
→ Afital n tsebbabt, isefka-nnes g ugama.
→ Aγlif n ugendel: [Aγlif n Ugendel n Fransa (Service Historique)]
…
D kigan n wudusen d yiγsuren.
G tebrat-nnsen, nγiy ad nγer:
Taliwin:
→ Asseken n titi ittuger g yiwen usmel n yikennaden. G usaḍuf asenselkam ur nγiy ad nger azdey ittawin s titi.
Amawal:
- Adasil n isefka: database
- Agama: nature
- Imenγi: war
- Umḍin: digital
- Amerdul: wastes
- Tiniri: desert
- Tamzelallit: helicopter
- Aggullu: tank
- Taẓuli (tabaẓayt): armament (heavy)
- Tarḍuri: equipment
- Imeglel: heaven
- Tamart: beard
- Ksuḍ (v): to be afraid
- Aγlif: ministry
- Afital: Chamber
- Tasebbabt: trade
- Tunnunt: sport
- Agendel: Defense
- Asnefli: Development
- Arbab: weapon
- Isduhduten: drugs
- Udus: organism
- Aγsur: establishment
Asmel n Volkswagen: adasil s isefka g ugama
yaru-t Afersig g Feb.07, 2013, ddaw Ineγmisen n tsenselkemt, Taγellist
Asmel n Volkswagen n Meṛṛuk [Volkswagen Maroc] yaγ akal. Ur id titi[1] ag nn-tqqima! Adasil n isefka n imsaγen illan g usmel, yaγ agama.
Titi issker-tt yiwen ukennad seg Meṛṛuk mi qqaren s « XIIV ». Akennad-a, igan titi d tarzzift i yimddukkal-nnes, isawel γef iγisi illan g usmel n teṛmist taxatart amm Volkswagen, imrara γef tγellist d usnefli n usmel n teṛmisin timeqwranin.
G uxmac n ugdil illan g usseken n titi, nγiy ad ninney: tankulin, assaγen, uṭṭunen n tiliγri, tansiwin, iwaliwen n uzerruy, …
Tasmentest-a, issker ukennad da yaγ-ttawey ad neswingem γef yiger n tγellist n yinagrawen isenselkamen g teṛmisin, isulen iga tarusi γur ikennaden.
Taliwin:
→ [1]: Asseken n titi ittuger g yiwen usmel n yikennaden. G usaḍuf asenselkam ur nγiy ad nger azdey ittawin s titi.
Amawal:
- Adasil n isefka: database
- Agama: nature
- Turda: doubt
- Amsaγ: client/customer
- Anagraw asenselkam: computer system
- Akennad: hacker
- Tarezzift: dedication
- Taṛmist: company
- Tasmentest: provocation
- Asseken: demonstration
Facebook: yiwen iγisi n ukeccum s imiḍanen
yaru-t Afersig g Jan.28, 2013, ddaw Ineγmisen n tsenselkemt, Izeṭṭaten Imettiten, Taγellist
G tizwuri n useggwas-a d-ilulan, issanzi-d inezri g tγellist Sow Ching Shiong is ur d-yusi ad neg taflest deg uzeṭṭa ametti. Yiwen uzeṭṭa ismuttren ugar n umelyaṛ n yimzemmizzelen, aya iga tarusi tameqwrant i yikennaden n umaḍal.
G tesga n yikennaden nγiy ad nebder 3 (kraḍ) ikabaren:
→ Irazalen imellalen: imazzagen g tγellist tanselkamt isskaren irmen g yinagrawen isenselkamen af ad afen iγisa degsen illan, aya ddaw usissen n babin n yinagrawen.
→ Irazalen iberkanen: nitni da snulfun: tiwekkiwin, iseγwzanen ibergagen, titiwat tirmmaγin, … Da ttakren tinefkin, … atg
→ Irazalen ibelbasen: llan inger n yirazalen imellalen d irazalen iberkanen. Γiyen ad uten, iγiyen ccaγlin babin n yinagrawen.
Sow Ching Shiong yamu g trabbut n yirazalen imellalen, ayenna yufa iγisi isassen-iss tirubba titwilitin n Facebook.
Iγisi: Iγiy, unna ur iṛwin, ad ikcem s umiḍan nna ira iwer-inn ad yisin awal n ukeccum, awd iwer-inn ad yisin tankult n teγtest.
“Facebook da yakka tizzit i imzemmizzelen mi ittuyaker umiḍan-nnsen ad alsen i wawal-nnsen n uzerruy g tansa-ya: facebook.com/hacked. Maka ar tiyyira-ddeγ, γas yiwen yikel γef uzdey-ddeγ ur da ittetter awal n uzerruy, ar yakka iẓubaẓ i ukennad ad itter awal n uzerry amaynu.”
Iγisi-ya, isseγta-t Facebook.
Yiwet iṛwan, Facebook da issifiḍ izen s tankult n teγtest. Izen da ittini i teγtest han yiwen ukeccum ittussker seg yiwen uselkim amaynu. Aya da yakka i umzemmizzel tizzit ad yisin is ittuyaker umiḍan-nnes.
G tsertit n tγellist n Facebook, ig yukez uzeṭṭa ikeccumen g sin idγaren yaggugen. Da ittamma akeccum, issifeḍ izen s tenkult ittetteren asergeg.
G tesγal n Facebook, tγiyem ad tddum n teγmert n tγellist, theyyam-asen aswar.
Taliwin:
→ Ablog n Bitdefender – ayaw n Fransa
Amawal:
- Asmel: web site
- Izen: message
- Tankult: e-mail address
- Azeṭṭa: network
- Anagraw: system
- Ssanzi : (v) to demonstrate
- Arazal: hat
- Snulfu: create
- Taγellist: security
- Abelbas: gray
- Aberkan: black
- Amellal: white
- Ccaγli : (v) to warn
- Aseγwẓan: software
- Tatwilit: target
- Tankult: email
- Tarabbut: group
- Awal n uzerruy: password
- Aẓabuẓ: possibility
- Ssifeḍ: (v) to send
- Taγtest: victim
- Tasγelt: parameter
Tisurifin timezwura n yinagrawen n wammud s Tmaziγt
yaru-t Afersig g Sep.20, 2012, ddaw Ineγmisen n tsenselkemt
Dat unagraw amaynu n Windows, iger unagraw n GNU/LINUX Ubuntu, snat tutlayin n tmaziγt. Yiwet iga-yas “Berber languages (Algeria)”, tayeḍ “Berber languages (Morocco)”.
Tiflut taxatart aya nna rẓmen inagrawen n wammud (Windows d GNU/LINUX Ubuntu) γef tmaziγt, maka isul ubrid iγwezzif. Tiflut trẓem maka inef-nnes ayd iẓẓayen, acku urta illi mayd dig-s innemran ad tanf.
→ Γef Windows:
Yiwen uḍris anemdaz s tfransist tssker-t Tmesmunt Afafa, γef wufuγ n unagraw amaynu n Windows (Windows 8). G illa yiwen uxmac n ugdel issusumen; maka g Tamaziγt Talatiniyt nukez is ittuyasey “gh” adγar n “γ”!
→ Γef GNU/LINUX Ubuntu:
Iffeγ-d ulqem amaynu n unagraw Ubuntu, mi qqaren s (Ubuntu 12.04 LTS), ass n 24 γuc 2012 (11 γuct 2962). G uswar-nnes, nγiy ad nsniγes sin ikwemsan amm wi:
Ayenna ifukka uswar, nkcem s tγmeṛt n Tutlayin ad d-nkkes turda, naf-nn:
Mqqar ttuswrent tutlayin sulent urta llint g tseγlin n unagraw.
Mk as-ntter aswar amaynu, GNU/LINUX Ubuntu da yaγ-d-yakka aya:
→ Tin Dzayer:
→ Tin Meṛṛuk:
Mqqar imeqquṛ usurif n inagrawen, yuweḍ wakud i Imaziγen ad munen, ad ssumun tutlayt-nnsen agensu n tin umaḍal!
Taliwin:
→ Tamesmunt Afafa
→ GNU/LINUX Ubuntu
Amawal:
- Anagraw: system
- Anagraw n wammud: operating system
- Tutlayt: language
- Tasγelt: parameter
- Turda: doubt
- Tiflut: door
- Axmac n ugdel: screenshot
Trapwire: anagraw n tnewwact
yaru-t Afersig g Aug.24, 2012, ddaw Ineγmisen n tsenselkemt, Taγellist
Mraw n wussan-ddeγ izrin, asmel n Wikiliks iǧiwen titiwat n DDoS. Aya idda-d ḍaṛt uyenna d-issafeγ Julien Assange izenen d tankulin d-isastin g tṛmist Stratfor.
G yizenen-a, ittuyaru deg-sen is illa yiwen uzeṭṭa n umater ameqwṛan nna sskeren iwenka imunen n Marikan (USA) d tgeldit imumen (UK). Ayddeγ n unagraw ittufka i tṛmist tusligt mi qqaṛen s TrapWire ittusskeren g usggwas n 2007 ddaw wassaγ n “Abraxas Applications”.
Taṛmist n TrapWire umẓen-tt imezwura n tsnurayt n tnewwact n Marikan (CIA). G uyenna d-issafeγ Wikiliks, ur deg-s ili n tṛmist TrapWire, γas tameyazant n winna deg-s ittwurun d-ifekan kigan γef wahil nna tumeẓ tṛmist.
TrapWire da tzzenza yiwen useγwẓan ismutturen isefka n umater g yamu win tsawlafin. Tidet, taṛmist-a da tswar tisawlafin g idγaren isḍasen, ar tsmuttur tiwlafin g usddegen n “tewnaγin n ummecteg” n iγermanen.
Imalas izrin nsella is tamu Microsoft g yiwen usenfar nttat d tmsulta n Nyu Yurk, af ad tsmeres yiwen unagraw umater.
Mk tedda imki, isul ad d-yaweḍ wass g ur nttafa talwit iwer-inn n wallalen.
Taliwin:
→ Numerama
→ Wikileaks Tor onion link & trapwire pastes
→ The New York Times
Amawal:
- Asmel: web site
- Izen: message
- Tankult: e-mail address
- Azeṭṭa: network
- Anagraw: system
- Tasnurayt: Agency
- Tanewwact: spying
- Tameyazant: mail
- Ahil: program
- Asefku: data
- Amater: surveillance
- Tasawlaft: camera
- Swer: (v) to install
- Aseγwẓan: software
- Asḍas: target
- Tawlaft: picture
- Asddegen: detection
- Tawnaγt: diagram/schema
- Aγerman: citizen
- Imalas: week
- Asenfar: project
- Talwit: peace
Asarag n Defcon: awekkγwẓan amaynu
yaru-t Afersig g Aug.07, 2012, ddaw Ineγmisen n tsenselkemt, Taγellist
Isskker Jonathan Brossard, inirzi g tγellist, yiwet tflut ittuyakeren neγ “backdoor” s Tnegliziyt, mi iga assaγ n Rakshasa. Tiflut-a, da tmeddaz Bios n uselkim af ad taf abrid n unagraw n wammud. Awd ur da ttaǧa akw anaγiz-nnes.
Jonathan ittmahalen g tṛmist n tγellist Toucan, isseken-d mas ittmahal uwekkγwẓan Rakshasa g usarag n defcon ikkan sed izrin. Assaγ ikka-yas-d yiwen umillus g tsenumgint tahindiyt mi qqaren Rakshasa.
Rakshara ur igi amezwaru ikkaten Bios n uselkim, maka yiwet tmkussna tamaynut as ittuga. Seg tbelγin tiseγweẓanin Open Source da ittmeddaz Bios s tuddsa n Coreboot d SeaBIOS. Aya da isnuful isγalen n uselkim.
Ukus n tmara-ddeγ, iga-t usexsey n uselkim d usfaḍ akw n inasgaten igensanen maka s warrumen ustiyen. Tamara tamrarrayt !
Taliwin:
→ Le monde informatique
→ DEF CON
→ DEFCON Facebook Fan Page
Amawal:
- Asarag: conference
- Awekkγwẓan: malware
- Inirzi: researcher
- Tiflut: door
- Imddez: (v) to replace
- Aselkim: Tankult
- Anagraw n wammud: Operating System (OS)
- Anaγiz: trace
- Sed: saturday
- Amillus: devil
- Tasenumgint: mythology
- Timkussna: technology
- Tableγt: brick
- Aseγweẓan: software
- Asfaḍ: deletion/erasing
- Anasga: peripheral
- Agensan: internal
- Arrum: equipment
- Ustiy: special
Google: asenfar n yilsawen illan g imizi
yaru-t Afersig g Jun.27, 2012, ddaw Ineγmisen n tsenselkemt
Issafeγ-d Google asenfar-nnes ameqwran γef yilsawen (tutlayin) illan g imizi. Aya iga tamezwarut g yiger n yilsawen, acku kigan aya sawalen γef uya g tudsiwin n tmura imanen (UN) maka urta d-iffiγ waḍu s akal.
G usmel n usenfar ifeka-d Google kigan n warraten n yiwes i winna iran ad deg-s yumu. Yunef i wmata.
Ika-d Google kigan n isuga lumar win tsekra n imawalen d tjeṛṛumt.
Mk llan winna yran ad yumu g usenfar-a urun-aγ-d s tankult n usmel, acku nra ad nssker yuwet tkabart n wumu g usenfar-a.
Taliwin:
→ Le projet Langues en danger
→ WeSay Dictionary Builder
Amawal:
- Asmel: website
- Arra: documentation
- Asenfar: project
- Imizi: danger
- Tuddsa: organization
- Tajeṛṛumt: grammar
- Tankult: e-mail address
Tidmi: 5 n tmitar ikddelen takendawt g Facebook
yaru-t Afersig g Apr.11, 2012, ddaw Izeṭṭaten Imettiten, Taγellist, Tidmi || Itnan
Asekend g izeṭṭaten imettiten ur ǧin issin tassast. Tafarset n tkendawt tamettit tgula-nn taqiccat-nnes tigiriwin-a.
Asmel n Afersig.com isawel aṭas γef tkendawt d titiwat d-itekkan azeṭṭa ametti. Unna iṭfaṛen tififγin-nneγ ad yili issen ad ikk tasga i tkendawt agensu n izeṭṭaten.
G umegraḍ-agi, nufa is yalfus ad awen-nn-nsnil 5 n tmitar ikddelen takendawt agensu n Facebook. Timitar ismatter usmel n malwarecity (asmel d-tsumer tṛmist n imgelwekkaten Bitdefender) d-iffeγen s yils Afransis, gant agzul n uyenna γef nsawel g Ufersig. Ha-tent:
→ 1° – Taseqqurt: amata g ikennaden da kkaten ad d-ldin tafdawit n yimzemmizzelen. G umdya asnas n “Isin mayd ikkan ifres-nnek?” γef nsawel g umegraḍ-a:
→ Facebook d isefka usligen
Neγ wa:
→ Itsent tsegriwin n tγellist
Amdya nniḍen (yaḍen) nanney g uzeṭṭa iga-t iniẓri “Argaz ikkaten tamettut-nnes” nna γef nsawel da:
→ Isin-at ma γef tuklem
Yuwen umegraḍ yaḍen nga-t γef iniẓri n twetmin agensu n uradab !!!
→ Tidmi: yuwen iniẓri yaḍen
Ussan-a ar itettey yuwen usnas yaḍen ittinin “Mas yaγul wassaγ-nnek?”:
→ 2° – Isnasen: Dat n wad tswerem ka n usnas fekat taγeḍeft i wassaγ-nnes. Assaγ iqqan-t-inn ad d-yas d iswi n usnas. Awd tasekra-nnes g useksew amezwaru da d-isskan kigan γef bab-nnes.
Yuwet teγmeṛt yaḍen, yalfus ad tgrem tiṭṭ s turagin awen-issutur usnas g tneγmisin tudmawanin (isefka usligen).
G umdya, asnas-a ar issutur ad itturu g ugadir-nnek, s wassaγ-nnek:
→ 3° – Ibraten uffiren “Riγ” neγ “Zgen”: Kigan n yisnasen da tfferen ibraten “Riγ” agensu n yineγmisen γef usnas. Ar ssuturen ad yakel umzemmizzel.
→ 4° – Aswer n isiγwezfen: Tigiriwin-a, aγulen ikennaden sneflan timunnaḍ-nnsen. Kigan n yizdayen ittumdin da tettin g uzeṭṭa. Azday da yttawey s yuwen usbter iwer-inn Facebook ar issutur i wmzemmizzel ad iswer ka n usiγwzef ẓund “Flash”.
→ 5° – Islellayen: Kigan n isnasen da smlelliyen imzemmizzelen, akel γef da, ddu s da, rar γef iseqsiten-a, … akel, akel, … Ẓund da ytteddu g uslellay, ard yaccek ula nn-igula ayddaγ ira! Ar mk -inn-yuweḍ han amiḍan ittuḍas.
Imkiddaγ awen-nenna g yimegraḍen zrinin, asnas awen-issuturen ad tffeγem azeṭṭa n Facebook ad aur as-tkkam attayen!
Taliwin:
→ Malware City
→ 5 indices qui trahissent une arnaque sur Facebook
Amawal:
- Keddel: betray
- Takendawt: scam
- Akennad: hacker
- Taṛmist: company
- Taγellist: security
- Amgelwekka: antivirus
- Amegraḍ: article/chest
- Tafarset: production
- Yalfus: useful
- Taqiccat: top
- Azeṭṭa: network
- Ametti: social
- Tamatert: sign
- Agzul: summary
- Tafdawit: curiosity
- Ifres: profile
- Taseqqurt: bait
- Aslellay: labyrinth
Facebook: mas nttafa bab n twlaft?
yaru-t Afersig g Apr.06, 2012, ddaw Ineγmisen n tsenselkemt, Izeṭṭaten Imettiten, Taγellist
G uzeṭṭa-nnes ametti, Facebook ika azref i ymzemmizzelen-nnes ad γur-s srusen tiwlafin d iniẓriten, aya iwer-inn n yisnasen.
Facebook isεa (γur-s) yuwen ugrudem n usihel n yisnasen API (Application Programming Interface) g uzeṭṭa-nnes. Aya da yakka tizi i yneflayen n Facebook ad sskaren isnasen-nnsen, awd ad afen abrid s isefka n yimzemmizzelen. Maka ittsen γiyen ad smahelen g twuriwin yaḍen !
Yuwet tγisit wur itfferen isefka n yimzemmizzelen, illa g tansa URL. Ẓar-s nγiy ad nisin matta umiḍan d-igran tawlaft neγ iniẓri illan g uzeṭṭa. G yiminig da ntturu: “http://graph.facebook.com/?id=” nsṭfeṛ-as uṭṭun n tmust (wiss 3 g wuṭṭunen illan g tansa URL n twlaft).
G uya, nγiy ad nisin: assaγ, tansa n umiḍan g Facebook, awtem neγ tawtemt d tmurt.
Ar nssirim ad issfeld uzeṭṭa ametti i wγuyyi n yineflayen ikkaten γef tkessa n isefka usligen.
Tala:
→ r00t@~Technomania
Amawal:
- Azeṭṭa: network
- Azref: right / low
- Tawlaft: picture
- Iniẓri: video
- Agrudem: interface
- Asihel: programming
- Asnas: application
- Aneflay: developer
- Asefku: data
- Tiγisit: vulnerability
- Amiḍan: account
- Uṭṭun: number
- Iminig-γef-web: web browser
-
Anṣuf issun g usmel n Afersig!
Tanemmirt-nnun kwnni aγ-d-yuggan tzrim-aγ iwenniten, qqim-at id-neγ aha tklesem g tebrat n RSS . Ad ur ttaccekam !
Amaynu g yiger n Tmaziγt
Issafeγ-d uneγmas d umeyaru Lḥu AZERGI ungal-nnes amaynu issager i tudert n umγewwaγ d unezbay Zayd U Ḥmad. Aya g yuwen useksew atrar i yuwen umezruy isselka udabu.
Tγiyem ad tettrem ungal g usmel-a:
Asekter / Downloads
→ ASEGLALAF
→ Amaẓrag n Tirra s Tmaziγt - Windows
→ Amaẓrag n Tirra s Tmaziγt - Debian/UbuntuSekter-at firefox
Swer-at Firefox
Sikel-at g umaḍal g tγellist
Twitter
Facebook