Afersig

Windows XP: asifeḍ ay amucceḍ

yaru-t g Apr.07, 2014, ddaw Ineγmisen n tsenselkemt

G ulγu nna d-tssafeγ teṛmist Microsoft g usmel-nnes tra tmeggarut-a ad tsbedd amucceḍ n wunagraw-nnes n wammud Windows XP. Asebded-a ad yili ass 27 Maṛs 2964 (08 g Ibril 2014 g l.ε.).

End Support Help XP

Amata g yiselkimen n umaḍal da tteddun s Windows XP. Meqqar gan Icinwiyen (γur illa umata n iselkimen ddaw Windows XP) mgal asebded-a, tettemra Microsoft g wawal-nnes.

G yimucceḍen imeggura, d-iffeγen g tizwuri n Maṛs, illa yiwen umucceḍ ameggaru d-ittinin “Tiyyira n yiwes i Windows XP”.

MS-Update_01

Aseqsi nna d-ittinin iγef-nnes: “Unna γur ur illi mas issaγ Windows yaḍen, mayd inna ad issker?”. Kigan n umsawal ayd ikkan inger Microsoft d Icinwiyen γef u-ya, maka Microsoft a γur illa wawal ameggaru.

MS-Update_02

Yiwet tγawsa taxatart tunef-d imi: ayedda tesbedda Microsoft imucceḍen n Windows XP, qqad afen ikennaden ayenna ran. Kigan n teγtasin ad aγent akal. Winna γur illa Windows XP yalfus ad almen i wunagraw-nnsen. Ad asin alqem amaynu n Microsoft (ayenna nnik tra!), neγ usin ka n unagraw yaḍen, lumar Linux. Meqqar iceqqa g uswuru-nnes, illa yiwen ulqem mi qqaren “Ubuntu”, iwhen, ar ittaγ g Windows.

Nsul ad nelqem a-ya n umegraḍ s tneγmisin n tγellist γef iγissa innan ad yili g Windows XP. Imzemmizzelen γur llan ka n iseqsiten urun-aγ-d g usmel.

Taliwin:
[en-US] Microsoft website: After April 8, 2014, technical assistance for Windows XP will no longer be available
[fr-FR] Site de Microsoft: à compter du 8 avril 2014, l’assistance technique de Windows XP ne sera plus disponible

Amawal:
- Amucceḍ: update
- Asifeḍ: farewell
- Taṛmist: company
- Anagraw n wammud: operating system
- Asnefley: development
- Alqem: version
- Akennad: hacker

Zrey awennit ugar ...

Cookieviz: aseγzan n uskan n Cookie

yaru-t g Dec.28, 2013, ddaw Ineγmisen n tsenselkemt, Taγellist

cookie

cookie

Kuki “Cookie” neγ inigi n uzday, nγiy ad t-nesbadu s “asnay n teγwalt HTTP” igan taseḍfert n tneγmisin d-ittuyazenen seg yiwen umessifeḍ HTTP ar amsaγ-nnes HTTP. Gguten tewsa n “ikukiten”, maka ur nenni ad degsen nekcem tikkelt-a.

Taγawsa nna yalfusen ad tt-tisinem, tga-tt: Kuki “Cookie” da itterrus g uselkim ku ig tekkam ka n usmel. Acku da isefsis azday inger umzemmizzel d usmel. Maka llant tikkal g ittazen isefka usligen i umessifeḍ.

Mar ad tisinem asennefcu n “ikukiten” (Cookies), tssafeγ-d C.N.I.L. (Commission nationale de l’informatique et des libertés) yiwen useγwzan s iḍeffur umzemmizzel ammecteg n “ikukiten” g wakud ilaw. seγwzan-a tssaγ-as “Cookieviz”.

Inni-yat, ad ur ttduyem!, ma s ttdun isefka-nnun usligen:

Taliwin:
Commission nationale de l’informatique et des libertés
CNIL cookieviz

Amawal:
- Akud ilaw: real time
- Amessifeḍ: server
- Amsaγ: client
- Asefku: data
- Asnay: protocol
- Azday: connection
- Inigi: witness
- Kuki: cookie (Only standard use on the website afersig.com)
- Sbadu: (v) define
- Taseḍfert: suite
- Tawsit: type (pl. Tiwsa)
- Taγwalt: communication

Zrey awennit :, , , , , , , , ugar ...

Aseγzif ittumdin g Safari

yaru-t g Apr.20, 2013, ddaw Ineγmisen n tsenselkemt, Taγellist

Idrus ma g nswel, g afersig.com, γef unagraw n wammud MAC. A-ya ur id is nsselka anagraw-a, maka amata g taniyagin itteḍasen inagrawen ggudint g tesga n unagraw n Microsoft Windows. Acku iga yiwen unagraw amaḍlan ittuyassenen s ittwuru umata.

Ikennaden g tesga-nnsen, da rezzun ma g iggut ufgan, ma ggutent teγtasin ad afen ad ssekren tasebbabt-nnsen. Ay-a ayd yuǧan inagrawen yaḍen (nniḍen) g ufrag i titiwat.

Tikkelt-a, nra ad nger tiṭ s MAC OS. Ikennaden aγen-t-inn awd netta. G uneqqis n Doctor Web (taṛmit Tarusiyt), illa yiwen useγzif igan iyyis n Teṛwa mi qqaren s ‘Trojan.Yontoo.1′. Taniyagt da d-ttekka isemlan ittumdin g iniẓriten.

Ayedda tekka teγtest asmel, da yas-d-issutur ad iswer yiwen useγzif n imig-γef-web Safari illan agensu n unagraw: aseγzif Yontoo.
Yontoo

Inerzafen-nneγ ittemahalen s MAC OS, da yawen-nssutur ad tawim itnan g useγzif-ddeγ.

Taliwin:
The Hacker News

Amawal:
- Anagraw n wammud: Operating System
- Isselka : (v) to maginalize
- Taniyagt (titi): attack
- Akennad: hacker
- Taγtest: victim
- Tasebbabt: trading
- Aseγzif: plug-in
- Iyyis n Teṛwa: Trojan Horse
- Taṛmist: company
- Imig-γef-web: browser
- Anerzaf: guest

Zrey awennit ugar ...

Azawad: imenγi umḍin

yaru-t g Feb.09, 2013, ddaw Ineγmisen n tsenselkemt, Taγellist

G imerdal n Uzawad inker idiggi, han timzelallitin, iggulluten, taẓuli tabaẓayt, …Tggez-nn Fransa s kigan n warrumen. G wakal mussan kigan agensu n tiniri. Seg yigenna, ayt tarḍuriwin ggzen-d amm iẓran n yimeglel. Ku takabart ar tkkat seg nilas. Ayt tmira ka ittunγa, ka ikkes tamart, ka irul.

Fransa teksuḍ i yimγizen-nnes n Nijir, teksuḍ γef beṭṭu n tiniri. Mali iksuḍ azwad. Ayt tmira ksuḍen tsebbabt-nnsen (giṛṛu, arbab, isduhduten, …). Imenγiten n yimagaren afella n wakal ur igin winsen: akal n Yimuhaγ.

Ddaw waddad-agi, nekren imenγa nniḍen (yaḍen) igan umḍinen. G ugratsa, aṭas n isemlan n Fransa aγen akal. Tarabbut n yikennaden iqqaren i yiγefawen-nnsen TCA (Tunisian Cyber Army), utan kigan n yimessifeḍen agensu n Fransa.

Utan:

→ Aγlif n usnefli lumen asmel [Aγlif n Usnefli n Fransa (Aquitaine)], ssafγen-d adasil n isefka: assaγ, tankult, awal n uzerruy, …
09022013_01

→ Aγlif n tunnunt: [Aγlif n Tunnunt n Fransa (Basse-Normandie)], ssaγen isefka-nnes, g amun win tnedbalt, i tewririn.
09022013_02

→ Afital n tsebbabt, isefka-nnes g ugama.
09022013_03

→ Aγlif n ugendel: [Aγlif n Ugendel n Fransa (Service Historique)]
09022013_04

D kigan n wudusen d yiγsuren.

G tebrat-nnsen, nγiy ad nγer:
09022013_05

Taliwin:
→ Asseken n titi ittuger g yiwen usmel n yikennaden. G usaḍuf asenselkam ur nγiy ad nger azdey ittawin s titi.

Amawal:
- Adasil n isefka: database
- Agama: nature
- Imenγi: war
- Umḍin: digital
- Amerdul: wastes
- Tiniri: desert
- Tamzelallit: helicopter
- Aggullu: tank
- Taẓuli (tabaẓayt): armament (heavy)
- Tarḍuri: equipment
- Imeglel: heaven
- Tamart: beard
- Ksuḍ (v): to be afraid
- Aγlif: ministry
- Afital: Chamber
- Tasebbabt: trade
- Tunnunt: sport
- Agendel: Defense
- Asnefli: Development
- Arbab: weapon
- Isduhduten: drugs
- Udus: organism
- Aγsur: establishment

Zrey awennit ugar ...

Asmel n Volkswagen: adasil s isefka g ugama

yaru-t g Feb.07, 2013, ddaw Ineγmisen n tsenselkemt, Taγellist

Asmel n Volkswagen n Meṛṛuk [Volkswagen Maroc] yaγ akal. Ur id titi[1] ag nn-tqqima! Adasil n isefka n imsaγen illan g usmel, yaγ agama.

Titi issker-tt yiwen ukennad seg Meṛṛuk mi qqaren s « XIIV ». Akennad-a, igan titi d tarzzift i yimddukkal-nnes, isawel γef iγisi illan g usmel n teṛmist taxatart amm Volkswagen, imrara γef tγellist d usnefli n usmel n teṛmisin timeqwranin.

V_ma_DB

G uxmac n ugdil illan g usseken n titi, nγiy ad ninney: tankulin, assaγen, uṭṭunen n tiliγri, tansiwin, iwaliwen n uzerruy, …

Tasmentest-a, issker ukennad da yaγ-ttawey ad neswingem γef yiger n tγellist n yinagrawen isenselkamen g teṛmisin, isulen iga tarusi γur ikennaden.

Taliwin:
→ [1]: Asseken n titi ittuger g yiwen usmel n yikennaden. G usaḍuf asenselkam ur nγiy ad nger azdey ittawin s titi.

Amawal:
- Adasil n isefka: database
- Agama: nature
- Turda: doubt
- Amsaγ: client/customer
- Anagraw asenselkam: computer system
- Akennad: hacker
- Tarezzift: dedication
- Taṛmist: company
- Tasmentest: provocation
- Asseken: demonstration

Zrey awennit ugar ...

Facebook: yiwen iγisi n ukeccum s imiḍanen

yaru-t g Jan.28, 2013, ddaw Ineγmisen n tsenselkemt, Izeṭṭaten Imettiten, Taγellist

tisγal

G tizwuri n useggwas-a d-ilulan, issanzi-d inezri g tγellist Sow Ching Shiong is ur d-yusi ad neg taflest deg uzeṭṭa ametti. Yiwen uzeṭṭa ismuttren ugar n umelyaṛ n yimzemmizzelen, aya iga tarusi tameqwrant i yikennaden n umaḍal.

G tesga n yikennaden nγiy ad nebder 3 (kraḍ) ikabaren:

→ Irazalen imellalen: imazzagen g tγellist tanselkamt isskaren irmen g yinagrawen isenselkamen af ad afen iγisa degsen illan, aya ddaw usissen n babin n yinagrawen.

→ Irazalen iberkanen: nitni da snulfun: tiwekkiwin, iseγwzanen ibergagen, titiwat tirmmaγin, … Da ttakren tinefkin, … atg

→ Irazalen ibelbasen: llan inger n yirazalen imellalen d irazalen iberkanen. Γiyen ad uten, iγiyen ccaγlin babin n yinagrawen.

Sow Ching Shiong yamu g trabbut n yirazalen imellalen, ayenna yufa iγisi isassen-iss tirubba titwilitin n Facebook.

Iγisi: Iγiy, unna ur iṛwin, ad ikcem s umiḍan nna ira iwer-inn ad yisin awal n ukeccum, awd iwer-inn ad yisin tankult n teγtest.

“Facebook da yakka tizzit i imzemmizzelen mi ittuyaker umiḍan-nnsen ad alsen i wawal-nnsen n uzerruy g tansa-ya: facebook.com/hacked. Maka ar tiyyira-ddeγ, γas yiwen yikel γef uzdey-ddeγ ur da ittetter awal n uzerruy, ar yakka iẓubaẓ i ukennad ad itter awal n uzerry amaynu.”

Iγisi-ya, isseγta-t Facebook.

Yiwet iṛwan, Facebook da issifiḍ izen s tankult n teγtest. Izen da ittini i teγtest han yiwen ukeccum ittussker seg yiwen uselkim amaynu. Aya da yakka i umzemmizzel tizzit ad yisin is ittuyaker umiḍan-nnes.

G tsertit n tγellist n Facebook, ig yukez uzeṭṭa ikeccumen g sin idγaren yaggugen. Da ittamma akeccum, issifeḍ izen s tenkult ittetteren asergeg.

G tesγal n Facebook, tγiyem ad tddum n teγmert n tγellist, theyyam-asen aswar.

Taliwin:
Ablog n Bitdefender – ayaw n Fransa

Amawal:
- Asmel: web site
- Izen: message
- Tankult: e-mail address
- Azeṭṭa: network
- Anagraw: system
- Ssanzi : (v) to demonstrate
- Arazal: hat
- Snulfu: create
- Taγellist: security
- Abelbas: gray
- Aberkan: black
- Amellal: white
- Ccaγli : (v) to warn
- Aseγwẓan: software
- Tatwilit: target
- Tankult: email
- Tarabbut: group
- Awal n uzerruy: password
- Aẓabuẓ: possibility
- Ssifeḍ: (v) to send
- Taγtest: victim
- Tasγelt: parameter

Zrey awennit ugar ...

Tisurifin timezwura n yinagrawen n wammud s Tmaziγt

yaru-t g Sep.20, 2012, ddaw Ineγmisen n tsenselkemt

Dat unagraw amaynu n Windows, iger unagraw n GNU/LINUX Ubuntu, snat tutlayin n tmaziγt. Yiwet iga-yas “Berber languages (Algeria)”, tayeḍ “Berber languages (Morocco)”.

Tiflut taxatart aya nna rẓmen inagrawen n wammud (Windows d GNU/LINUX Ubuntu) γef tmaziγt, maka isul ubrid iγwezzif. Tiflut trẓem maka inef-nnes ayd iẓẓayen, acku urta illi mayd dig-s innemran ad tanf.

→ Γef Windows:
Yiwen uḍris anemdaz s tfransist tssker-t Tmesmunt Afafa, γef wufuγ n unagraw amaynu n Windows (Windows 8). G illa yiwen uxmac n ugdel issusumen; maka g Tamaziγt Talatiniyt nukez is ittuyasey “gh” adγar n “γ”!

→ Γef GNU/LINUX Ubuntu:
Iffeγ-d ulqem amaynu n unagraw Ubuntu, mi qqaren s (Ubuntu 12.04 LTS), ass n 24 γuc 2012 (11 γuct 2962). G uswar-nnes, nγiy ad nsniγes sin ikwemsan amm wi:

Ayenna ifukka uswar, nkcem s tγmeṛt n Tutlayin ad d-nkkes turda, naf-nn:

Mqqar ttuswrent tutlayin sulent urta llint g tseγlin n unagraw.

Mk as-ntter aswar amaynu, GNU/LINUX Ubuntu da yaγ-d-yakka aya:

→ Tin Dzayer:

→ Tin Meṛṛuk:

Mqqar imeqquṛ usurif n inagrawen, yuweḍ wakud i Imaziγen ad munen, ad ssumun tutlayt-nnsen agensu n tin umaḍal!

Taliwin:
Tamesmunt Afafa
GNU/LINUX Ubuntu

Amawal:
- Anagraw: system
- Anagraw n wammud: operating system
- Tutlayt: language
- Tasγelt: parameter
- Turda: doubt
- Tiflut: door
- Axmac n ugdel: screenshot

Zrey awennit :, , , , ugar ...

Trapwire: anagraw n tnewwact

yaru-t g Aug.24, 2012, ddaw Ineγmisen n tsenselkemt, Taγellist

Mraw n wussan-ddeγ izrin, asmel n Wikiliks iǧiwen titiwat n DDoS. Aya idda-d ḍaṛt uyenna d-issafeγ Julien Assange izenen d tankulin d-isastin g tṛmist Stratfor.

G yizenen-a, ittuyaru deg-sen is illa yiwen uzeṭṭa n umater ameqwṛan nna sskeren iwenka imunen n Marikan (USA) d tgeldit imumen (UK). Ayddeγ n unagraw ittufka i tṛmist tusligt mi qqaṛen s TrapWire ittusskeren g usggwas n 2007 ddaw wassaγ n “Abraxas Applications”.

Taṛmist n TrapWire umẓen-tt imezwura n tsnurayt n tnewwact n Marikan (CIA). G uyenna d-issafeγ Wikiliks, ur deg-s ili n tṛmist TrapWire, γas tameyazant n winna deg-s ittwurun d-ifekan kigan γef wahil nna tumeẓ tṛmist.

TrapWire da tzzenza yiwen useγwẓan ismutturen isefka n umater g yamu win tsawlafin. Tidet, taṛmist-a da tswar tisawlafin g idγaren isḍasen, ar tsmuttur tiwlafin g usddegen n “tewnaγin n ummecteg” n iγermanen.

Imalas izrin nsella is tamu Microsoft g yiwen usenfar nttat d tmsulta n Nyu Yurk, af ad tsmeres yiwen unagraw umater.

Mk tedda imki, isul ad d-yaweḍ wass g ur nttafa talwit iwer-inn n wallalen.

Taliwin:
Numerama
Wikileaks Tor onion link & trapwire pastes
The New York Times

Amawal:
- Asmel: web site
- Izen: message
- Tankult: e-mail address
- Azeṭṭa: network
- Anagraw: system
- Tasnurayt: Agency
- Tanewwact: spying
- Tameyazant: mail
- Ahil: program
- Asefku: data
- Amater: surveillance
- Tasawlaft: camera
- Swer: (v) to install
- Aseγwẓan: software
- Asḍas: target
- Tawlaft: picture
- Asddegen: detection
- Tawnaγt: diagram/schema
- Aγerman: citizen
- Imalas: week
- Asenfar: project
- Talwit: peace

Zrey awennit :, , , , , , , , , , , , , , , , , , , , , ugar ...

Asarag n Defcon: awekkγwẓan amaynu

yaru-t g Aug.07, 2012, ddaw Ineγmisen n tsenselkemt, Taγellist

Isskker Jonathan Brossard, inirzi g tγellist, yiwet tflut ittuyakeren neγ “backdoor” s Tnegliziyt, mi iga assaγ n Rakshasa. Tiflut-a, da tmeddaz Bios n uselkim af ad taf abrid n unagraw n wammud. Awd ur da ttaǧa akw anaγiz-nnes.

Jonathan ittmahalen g tṛmist n tγellist Toucan, isseken-d mas ittmahal uwekkγwẓan Rakshasa g usarag n defcon ikkan sed izrin. Assaγ ikka-yas-d yiwen umillus g tsenumgint tahindiyt mi qqaren Rakshasa.

Rakshara ur igi amezwaru ikkaten Bios n uselkim, maka yiwet tmkussna tamaynut as ittuga. Seg tbelγin tiseγweẓanin Open Source da ittmeddaz Bios s tuddsa n Coreboot d SeaBIOS. Aya da isnuful isγalen n uselkim.

Ukus n tmara-ddeγ, iga-t usexsey n uselkim d usfaḍ akw n inasgaten igensanen maka s warrumen ustiyen. Tamara tamrarrayt !

Taliwin:
Le monde informatique
DEF CON
DEFCON Facebook Fan Page

Amawal:
- Asarag: conference
- Awekkγwẓan: malware
- Inirzi: researcher
- Tiflut: door
- Imddez: (v) to replace
- Aselkim: Tankult
- Anagraw n wammud: Operating System (OS)
- Anaγiz: trace
- Sed: saturday
- Amillus: devil
- Tasenumgint: mythology
- Timkussna: technology
- Tableγt: brick
- Aseγweẓan: software
- Asfaḍ: deletion/erasing
- Anasga: peripheral
- Agensan: internal
- Arrum: equipment
- Ustiy: special

Zrey awennit :, , , , , , , , , , , , , , , , , , ugar ...

Google: asenfar n yilsawen illan g imizi

yaru-t g Jun.27, 2012, ddaw Ineγmisen n tsenselkemt

Issafeγ-d Google asenfar-nnes ameqwran γef yilsawen (tutlayin) illan g imizi. Aya iga tamezwarut g yiger n yilsawen, acku kigan aya sawalen γef uya g tudsiwin n tmura imanen (UN) maka urta d-iffiγ waḍu s akal.

G usmel n usenfar ifeka-d Google kigan n warraten n yiwes i winna iran ad deg-s yumu. Yunef i wmata.
Asenfar n Google

Ika-d Google kigan n isuga lumar win tsekra n imawalen d tjeṛṛumt.

Mk llan winna yran ad yumu g usenfar-a urun-aγ-d s tankult n usmel, acku nra ad nssker yuwet tkabart n wumu g usenfar-a.

Taliwin:
Le projet Langues en danger
WeSay Dictionary Builder

Amawal:
- Asmel: website
- Arra: documentation
- Asenfar: project
- Imizi: danger
- Tuddsa: organization
- Tajeṛṛumt: grammar
- Tankult: e-mail address

2 Comments ugar ...

Da trezzud γef ka n tγawsa?

Semres tadṛiqt n yizdar ad terzud g usmel:

Urta tufid ayenna trezzud? ttid g yizenen nγ iwenniten nγ aγ-d-tarud ad ak-nn-nrar!